Laura Antonelli

May napanuod akong pelikula mula sa panahon na 1970's. Ang pangalan ng napakaganda, sexy at mahusay na aktres ay "Laura Antonelli", isa syang Italiano.

Sya yung girl syempre.

Nuong mga panahon na iyon, siguro nasa 20+ years old pa lamang sya. Puno ng lakas magtrabaho. Gawin kung ano man ang makakapagpaligaya sa kanya. Masaya rin siguro sya, dahil isa syang sikat na aktres at masagana ang buhay.

Pero talagang lumilipas ang panahon. Lahat ng iyong kabataan, kagandahan, kalakasan, at maaari ring kasaganahan ay unti-unting rin mawawala... at hindi mo na ito pwedeng maipagmalaki.

Nuong year 2001, ito na sya...

Hindi naman dapat ikagulat, syempre, ganoon talaga. Sa taon na ito, ayon sa wikipedia, si Laura ay 74 years old na.

Kaya may naisip ulit ako...

Kung tumanda ka na, at mawala na sa yo lahat ng mayroon ka nuong kabataan mo, ano pa ang makakapagpasaya sayo? Narito ang ilan sa mga sagot na sumagi sa aking isipan.

• Syempre, unang una, nariyan ang iyong pamilya. Kaya sa tingin ko, mas masaya talaga kung magkakaroon ka ng mga anak at apo. :)

• Pangalawa, sa tingin ko, makakapagpasaya sayo ay ang iyong mga nagawang pag unlad sa buhay. Yung masasabing "Nagawa ko yun!". Yung tipong ikkwento mo sa mga apo mo ng may buong pagmamalaki.

• Pangatlo, sa tingin ko, magiging mas masaya ka rin kung mayroon kang mga tao na natulungan habang malakas ka pa. Mga taong natulungan sa iba't ibang paraan. Halimbawa, yung mga taong nabigyan mo ng inspirasyon at pag asa. :)

Hmmm... sana hindi pa rin malugi ang Google Blogger pag tanda ko, para mabasa ko at mabalikan itong mga blog ko dito hahaha! Maaalala ko ng mas malinaw ang mga kabaliwan, kasiyahan, atbp. nuong kabataan ko. :)

Nga pala, baka bumalik na ako sa pagbblog dito, pero hindi ako nangangako.. hehehe.. Ayun, kahit maikling blog lang, kahit mga 3-5 sentences, na maaaring makapagbigay ngiti o karagdagang kaalaman sa babasa...

Kung may nais din kayong itanong na sa tingin nyo eh kaya kong sagutin, pwede nyo na rin itanong at maaari kong sagutin bilang isang blog.